Forum Sekuriteit speel ’n belangrike rol in die beskerming van skole

Forum Security het op 22 Oktober 2022 die sekuriteitsdienste geborg vir die Super 12-atletiekbyeenkoms wat by die Germiston-stadion gehou is.

Die Super 12-atletiek word twee keer per jaar gehou. Vanjaar se organiseerder, Laerskool Hennopspark in Centurion, het egter besluit om net een groot geleentheid met al 23 deelnemende skole aan te bied. Sowat 2 200 laerskoolleerders het aan die geleentheid deelgeneem met byna 7 000 toeskouers om hulle te ondersteun.

Ten spyte van nat weerstoestande tydens etenstyd, was die geleentheid ’n groot sukses met behulp van Forum Sekuriteit se dienste.

“Forum Sekuriteit is trots om ons skoolgemeenskappe by te staan met alle aspekte van veiligheid. Vir die Super 12-atletiekbyeenkoms het dit deeglike veiligheidsevaluerings voor die byeenkoms ingesluit. Die veiligheidsevaluerings help om vas te stel waar veiligheidswagte benodig sal word en om watter rede. Dit het ons ook in staat gestel om na verskillende veiligheidselemente te kyk, byvoorbeeld elektrisiteit, hekke, heinings, water sowel as die verskillende loop- en ry-oppervlaktes. Die uitvoering van die veiligheidsplanne was doeltreffend en het bygedra tot die suksesvolle uitvoering van ons pligte,” sê Nic Arnold, uitvoerende direkteur van Forum Sekuriteit.

Vir meer inligting oor die verskillende veiligheidsdienste wat Forum Sekuriteit bied, stuur ’n e-pos na info@forumsekuriteit.co.za.

Wilmarie Janse van Rensburg

Forum Sekuriteit

Bemarking en verkope

E-pos: wilmarie@forumsekuriteit.co.za