Oor Ons

Missie

Ons missie is om:

  1. die veiligheid van die algemene publiek te verhoog;
  2. die veiligheid van sowel openbare as privaat skole te verhoog;
  3. gewapendereaksie- en mediese noodreaksie-eenhede van hoë gehalte op te rig en te bedryf;
  4. polisiëringsvennootskappe daar te stel, te ontwikkeling en te bestuur om misdaad deur samewerking te bekamp;
  5. gemeenskappe te patrolleer en misdaad te voorkom, en om misdadigers op die voorgeskrewe wyse in hegtenis te neem;
  6. die nodige ondersteuning te bied met die vervolging van misdadigers;
  7. die nodige ondersteuning en berading aan misdaadslagoffers te bied; en
  8. openbare bewusmakingsveldtogte te loods om veiligheid te bevorder.

Visie

Om die grondwetlike regte van ondersteuners en die algemene publiek te bevorder, wat onder meer lewe, vryheid en sekerheid van persoon en waardigheid insluit.

Ons bestuur en direksie

Nic Arnold

Nic Arnold staan aan die hoof van die direksie as uitvoerende voorsitter van Forum Sekuriteit. Hy het ’n meestersgraad in Arbeidsreg en ook nagraadse kwalifikasies in Maatskappyreg. Hy is ’n deskundige in korporatiewe bestuur met 17 jaar se ondervinding in senior bestuur.

Tarien Cooks

Tarien is ’n sekuriteitspraktisyn en bestuur Logistiek en Administrasie by Forum Sekuriteit. Sy studeer tans vir ’n graad in rampbestuur.

Jan Wessels

Jan beskik oor uitgebreide ondervinding in die beplanning, organisering, leiding en beheer van opleiding en operasies in die Suid-Afrikaanse Leër, insluitend die uitvoer van konflik op strategiese, operasionele en taktiese vlak. Hy is ook reeds drie jaar lank by AfriForum betrokke om gemeenskappe weerbaar te maak deur middel van operasies en opleiding.

Leandra van der Merwe

Leandra is ’n opleidings-en-ontwikkelingspesialis wat op persoonlike ontwikkeling fokus. Opleiding is daarop gemik om buurtwagte en gemeenskappe met die nodige vaardighede toe te rus om ’n veiliger Suid-Afrika vir almal te skep.

Marnus Kamfer

Marnus is ’n prokureur wat in strafreg, vuurwapenwetgewing en die sekuriteitsbedryf spesialiseer. Hy is ook betrokke by opleiding wat deur Forum Sekuriteit verskaf word.

Corli Thiebaut

Corli is verantwoordelik vir akkurate rekeningkundige boekhouding om ’n ongekwalifiseerde ouditverslag te verseker. Sy verseker ook dat daar aan die statutêre verpligtinge voldoen word wat deur die Suid-Afrikaanse Inkomstediens vereis word. Corli verskaf ook intydse finansiële verslae en is verantwoordelik vir begroting- en kontantvloeibestuur.